| 故事串燒
喺中国古代，Ｍ７８星雲曾經派遣超人七星俠到訪當時古中國.
當時中國還是母系社會(即係亞媽大晒), 當時最大係「嫦娥」,因為佢最長氣,其她(sorry 不是"他")太太一早無晒氣!
嫦娥最寵愛的「妃子」叫吳剛,但吳剛就日日如生活在地獄.
七星俠當時作為太陽系親善大使,委身做嫦娥嘅Spouse, 改名后羿.
七星俠嘅名堂在於他有七個法宝能夠改变星球現狀,其後被人誤解為射日. 事實上,當時太陽系有八個太陽,除咗地球及本不入圍嘅冥皇星, 「后羿」確實將其他七個太陽「射熄」.
吳剛一見后羿咁勁,即刻求救. 后羿思前想後,發覺救吳剛會更加鞏固自己嘅地位, 況且七星俠發現自己非常喜歡地球, 於是將自己嘅太空救生船俾咗吳剛,俾佢走咗去月球. 吳剛以為甩難, 后羿以為可以獨得嫦娥寵愛, 點知......
三年後, 七星俠都頂唔順, 唸住一走了之. 點知自己唔記得Ｍ７８星人全靠太陽能先可以做地球嘅「超人」. 以前有八個太陽, 七星俠當然夠watt, 但依家得番一個, 跌晒watt, 想走佬都唔得. 最後一個希望係問吳剛攞翻架太空救生船. 於是即call吳剛. 吳剛當然睬你都儍, 當天線收唔清, 叫七星俠上月球詳談.
七星俠見你做初一,於是就我做十五. 雖然自己飛唔到月球, 但送一個一百磅都唔到嘅嫦蛾仲可以做到.
係一個滿月嘅晚上,睇清吳剛係「寧靜海」,先灌醉嫦娥, 紮咗佢係七星俠把頭刀上, 飛咗嫦娥上月球, 同吳剛「團聚」.
七星俠既然無教吳剛點駕駛, 吳剛當然避無可避, 再過地獄生活. 係中國, 仲可以撼頭埋牆, 係月球, 牆都無, 唯有撼頭落地. 月球嘅所為墜石坑, 其實係吳剛嘅地獄生活鐵証.
另一邊, 七星俠流落中國, 其「她」人因為七星俠解放咗大家, 從此耳根清淨, 就「皇」袍加身, 擁立七星俠, 亦同時結朿中國母系社會制度, 其「他」人都可以抬起頭「做人」.
後記 - 七星俠子孫因為一國不能藏二「超」,其中一系遠赴東瀛, 繼續「超人」. 反而中國一系於黃帝時代開始沒落, 更於最出名一戰：《黃帝大戰蚩尤》, 因大霧(無陽光), beep 咗一個鐘之後,跌晒watt無力而被擒, 困於西湖梅莊, 鬱鬱而終. 從此中國超人系列斷絕. 日本超人因為知道自身弱點, 處處小心, 留意天氣報告, 得以幸存至今
===================== 全文完 =====================
|